Прадстаўнік ЕС: Мігрантаў завабліваюць у Беларусь праз дыпламатычныя ўстановы
Афіцыйны Мінск дзейнічае праз свае дыпламатычныя ўстановы, каб угаворваць грамадзян іншых краін прыехаць у Беларусь, абяцаючы ім далейшы шлях у ЕС.
Пра гэта заявіў на брыфінгу ў Брусэлі спікер Еўракамісіі Петэр Стана, паведамляе «Еўрапейская праўда».
«Яны кантактуюць з патэнцыйнымі падарожнікамі праз афіцыйныя каналы, такія як беларускія консульствы, пасольствы і г.д., якія выдаюць візы. Яны кажуць: вы можаце прыехаць, вам будзе прадастаўлены транспарт да мяжы», — распавёў Стана.
Ён распавёў, што еўрапейскія чыноўнікі ў бліжэйшы час наведаюць некалькі краін, з якіх прыязджаюць мігранты ў Беларусь, але не назваў якія менавіта.
«Увогуле, калі людзі атрымліваюць нейкую інфармацыю нібыта з афіцыйнай крыніцы, то яны схільныя верыць у яе. Таму для нас важна не толькі інфармаваць пра гэта краіны, адкуль едуць мігранты, але і спрабаваць давесці інфармацыю да людзей. Часам нават органы ўлады ў гэтых краінах не ведаюць аб сітуацыі», — дадаў Стана.
Паводле звестак СМІ, мігранты ў Беларусь больш за ўсё прыбываюць з Ірака.
«Мадэль, па якой рэжым Лукашэнкі праводзіць свае дзеянні, прымушае людзей верыць, што яны могуць прыехаць у Беларусь і далей працягнуць шлях у ЕС», — сказаў Стана.
Цяпер чытаюць
Святлана Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць8
Каментары