У Польшчы завяршылася сустрэча ў Бюро нацыянальнай бяспекі, прысвечаная сітуацыі на беларуска-польскай мяжы. Вынікі пасяджэння падвёў прэзідэнт краіны Анджэй Дуда. У размове з журналістамі ён адзначыў, што польскія службы былі гатовыя да падобных сцэнараў, піша выданне Wpolityce.
«Трэба дакладна сказаць: гэта гібрыдная акцыя, якая праводзіцца беларускім рэжымам супраць Польшчы і ЕС. Групы мігрантаў, якія ідуць да польскай мяжы, накіроўваліся беларускімі службамі, якія павялі іх са звычайнай дарогі ў лес, так што яны атакавалі польска-беларускую мяжу, дзе няма пераходу», — сказаў ён.
Ноччу сур'ёзных здарэнняў на ўчастку беларуска-польскай мяжы не было, але мігранты прынялі некалькі спроб незаконнага перасячэння мяжы.
«На гэты момант у нас там на мяжы лагер мігрантаў, якія з беларускага боку заблакаваныя беларускімі службамі, таму яны не могуць пакінуць тэрыторыю. У гэтым лагеры бліжэй за ўсё да мяжы знаходзіцца каля тысячы чалавек» — адзначыў Дуда.
Каментары