Жыхароў Баранавіч асудзілі за падпіскі на «экстрэмісцкія каналы»
Сёння, 25 лістапада, у судзе Баранавіцкага раёна разглядзелі справы трох жыхарак Баранавіч, у якіх прайшлі ператрусы раніцай 18 лістапада.
У той дзень у Баранавічах прайшла хваля затрыманняў і ператрусаў, якія праводзілі супрацоўнікі другога аддзялення шостага ўпраўлення ГУБАЗіК. Справы вёў суддзя Сяргей Данільчык, паведамляюць праваабаронцы.
Наталлю Рослік пакаралі за падпіску на чат-бот, які ўлады прызналі экстрэмісцкім. Пасля ператрусу Наталлю адвезлі ў ГАУС, дзе ў тэлефоне знайшлі падпіску на канал. За гэта на жанчыну склалі пратакол па арт. 19.11 КаАП (захоўванне з мэтай распаўсюджвання інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць).
У Наталлі ёсць двое непаўналетніх дзяцей, таму яе пасля ператрусу адпусцілі дадому. Сёння суддзя прызначыў Рослік штраф у памеры 522 рублёў (18 базавых велічыняў).
Пенсіянерку Вольгу Заяц аштрафавалі на 435 рублёў (15 базавых велічыняў). Жанчыну абвінавацілі ў падпісцы на экстрэмісцкія тэлеграм-каналы. Пасля ператрусу ў Вольгі дома ў ГАУСе на яе склалі пратакол па арт. 19.11 КаАП. Сваю віну на судзе Заяц прызнала. У жанчыны таксама канфіскавалі тэлефон.
Таксама аштрафалі маці двух непаўналетніх дзяцей Дар’ю Несцер. 18 лістапада ГУБАЗіК правёў у кватэры ператрус, пасля чаго яе даставілі ў ГАУС. Згодна з пратаколам, яна была падпісаная на два экстрэмісцкія каналы. Суддзя Данільчык пастанавіў прызнаць Дар’ю вінаватай і аштрафаваць на 522 рублі (18 базавых велічыняў) з канфіскацыей тэлефона і ноўтбука.
На гэты момант праваабаронцам вядомыя прозвішчы 15 затрыманых 18 лістапада жыхароў Баранавіч, пяцярых з якіх пакаралі арыштамі ад 6 да 15 сутак, і яшчэ чытыры чалавекі былі аштрафаваныя.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў17
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары