«Убачыла паштоўку з вакзалам і так расплакалася»: экс-кіраўніца «Радзіславы» Вольга Гарбунова даслала ліст з-за кратаў
Былая кіраўніца прытулку для жанчын «Радзіслава» Вольга Гарбунова даслала ліст з-за кратаў. У ім яна адзначае, што робіць усё, каб захаваць сябе.
«Убачыла паштоўку з вакзалам і так расплакалася:) Ён у кіламетры ад мяне знаходзіцца, столькі людзей я там забрала і адвезла ў прытулак, столькі падарожжаў маіх там пачыналася.
Заўсёды марыла пабываць у «Мінскім замку», думала, што, як і ў іншых гарадах Еўропы, тут закрыюць турму і зробяць музей, і я змагу тут пабываць. Але сусвет вырашыў інакш:). У маім вакне бачныя трохі 2,5 вежы, адна амаль разбураная. Мне здаецца, што нам яшчэ далёка да поўнага ўсведамлення, што гэта за месца ў нашай гісторыі.
Хацелася б напісаць, што я ў парадку, не хвалюйцеся, усё будзе добра зусім хутка, але падобна, я не настолькі моцная і смелая, як я пра сябе думала раней.
Дзякуй, што вы на сувязі са мной. Гэта і сапраўды вельмі вялікая падтрымка для меня ў гэтыя цёмныя часы. Абдымаю! Воля Гоа».
Тэкст ліста апублікавалі ў сваім тэлеграм-канале праваабаронцы.
***
Вольгу Гарбунову затрымалі 9 лістапада па падазрэнні ў здзяйсненні злачынства па арт. 342 Крымінальнага кодэкса за арганізацыю жаночых маршаў у 2020 годзе. Яна адразу абвясціла галадоўку.
Вольга — былая кіраўніца арганізацыі «Радзіслава», якая дапамагае жанчынам, якія церпяць ад хатняга гвалту.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на мужчыну напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю9
Каментары