Стала вядома, калі абвесцяць прысуд блогеру Эдуарду Пальчысу. Яму пагражае да 20 гадоў пазбаўлення волі
Прысуд Эдуарду Пальчысу суддзя Пётр Арлоў вынясе 17 снежня а 12-й гадзіне. Пра гэта паведаміла Вікторыя Пальчыс, жонка блогера. Справу разглядае Мінскі гарадскі суд. Блогера вінавацяць па чатырох артыкулах КК.
Суд пачаўся 6 снежня. Ён праходзіць у закрытым рэжыме.
Вядомаму блогеру пагражае да 20 гадоў пазбаўлення волі. Эдуарда вінавацяць па чатырох артыкулах КК: распальванне варожасці; арганізацыя масавых беспарадкаў; арганізацыя дзеянняў, якія парушаюць грамадскі парадак; заклікі да дзеянняў, накіраваных на шкоду нацыянальнай бяспецы.
Па інфармацыі «Нашай Нівы», Раман Пратасевіч праходзіць па справе сведкам. Пратасевіч раней выказваўся ў інтэрв’ю АНТ пра чат «Хата»: «Там былі адміністратары найбуйнейшых каналаў, блогеры і гэтак далей. І менавіта там усё сапраўды адбывалася, гэта быў такі галоўны каардынацыйны чат вулічных пратэстаў і інфармацыйнага парадку».
Сярод тых, хто ўваходзіў у чат, Пратасевіч назваў і Пальчыса.
Пра тое, ці выступаў Пратасевіч у судзе, няма інфармацыі.
Эдуард Пальчыс — папулярны блогер. Учора іншыя вядомыя блогеры атрымалі ад 14 да 18 год пазбаўлення волі.
«Думала вярнуцца ў Беларусь, Эдзік кажа: пакуль не варта». Як і чым сёння жыве Вікторыя Пальчыс
Ціханоўскаму — 18 гадоў, Лосіку — 15, Статкевічу — 14. Вынесеныя жахлівыя прысуды па «справе Ціханоўскага»
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай8
Каментары