Усяго правядуць больш за 200 імпрэзаў. Яны пройдуць як на цэнтральных пляцоўках — ля Палаца спорту і ў Верхнім горадзе, так і ва ўсіх раёнах, расказаў начальнік упраўлення культуры Мінгарвыканкама Віталь Брэль, пішуць «Мінск-Навіны».
Ля Палаца спорту запланаваны чатыры буйныя мерапрыемствы. Там зробяць сцэнічны комплекс у выглядзе сняжынкі. 25 снежня адбудзецца вялікі канцэрт «Музыка аб'ядноўвае» з удзелам творчых калектываў з усіх куткоў Беларусі. Адным з хэдлайнераў, як чакаецца, стане Аляксандр Саладуха.
У навагоднюю ноч з 00:30 да 4:00 пляцоўка каля Палаца спорту стане месцам правядзення канцэрта зорак беларускай эстрады «Скрынка жаданняў». Выступяць Алёна Ланская, Ірына Дарафеева, Тэа.
У першы дзень Новага года ў 19:00 пляцоўка ля Палаца спорту ператворыцца ў цэнтр маладзёжнай тусоўкі: запланаванае правядзенне забаўляльнай праграмы з удзелам дыджэяў і кавер-бэндаў. Хэдлайнер — гурт «Дразды». А ўжо 7 студзеня там адбудзецца Калядная праграма: прагучаць калядныя песні, у тым ліку ў эстрадных апрацоўках. Выступяць «Песняры».
Што тычыцца Верхняга горада, там у цяперашні час таксама мантуюць сцэнічную пляцоўку-касмалёт. Ужо праводзяцца рэпетыцыі.
А выступленні пачнуцца з 25 снежня і працягнуцца да 2 студзеня, прычым тройчы ў дзень. У 12:00 мінчан і гасцей сталіцы будуць чакаць забаўляльныя інтэрактыўныя праграмы і квэсты па Верхнім горадзе. Іх рыхтуюць сумесна з музеямі, прыняўшы ўдзел, можна будзе выйграць прыз. А ў 17:00 і 20:00 Верхні горад стане месцам правядзення тэатралізаванай інтэрактыўнай праграмы «Навагодні касмалёт. Шлях да зямлі».
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары