Два гады «хіміі» за два кароткія словы. У Рагачове судзілі 33-гадовага кіроўцу
22 снежня ў судзе Рагачоўскага раёна судзілі 33-гадовага мясцовага жыхара Аляксандра Кандорскага. Ён працуе кіроўцам-экспедытарам у прыватнай фірме, мае двух дзяцей і вельмі добрыя характарыстыкі. Але, нягледзячы на гэта, атрымаў два гады «хіміі».
Крымінальная справа была распачатая ў мінулым годзе. Пад відэа пра разгон мірнай акцыі, якое размясціла ў сваім пасце ў «Аднакласніках» Вольга Карач, Аляксандр напісаў кароткі негатыўны каментар «на кол». Негатыўны каментар быў пад тым пастом далёка не адзіны, усяго іх набралася 1870. Але даішнік з Ганцавіч Ігар Вольніч вырашыў звярнуць увагу менавіта на гэты.
Вольніча, за «абразы» якога судзілі людзей і раней, падчас суда апыталі па скайпе. Ён сцвярджаў, што каментар Кандорскага прычыніў яму такія «крыўду, сорам, горыч, абурэнне», што давялося нават звярнуцца па дапамогу да псіхолага. У якасці маральнай кампенсацыі Вольніч запатрабаваў 1500 рублёў.
У ходзе следства каментар адправілі на лінгвістычную экспертызу, якая канстатавала, што ў ім «няма элементаў агрэсіі і закліку да гвалту». Але дзяржабвінаваўца палічыў, што ў адносінах да Вольніча здзейснілі злачынства, «выяўленае ва ўзбуджэнні палітычнай варожасці»
У выніку Аляксандра Кандорскага прызналі вінаватым у здзяйсненні злачынства па арт. 369 «Абраза прадстаўніка ўлады» і прысудзілі да двух гадоў абмежавання волі з накіраваннем у папраўчую ўстанову адкрытага тыпу.
Прысуд вынесла суддзя Ірына Прадун, прозвішча дзяржаўнага абвінаваўцы — Папоў.
Жыхара Віцебска асудзілі за абразу даішніка на старонцы Вольгі Карач
За абразу даішніка з вядомага фота жыхару Жлобіна далі тры гады хатняй хіміі
Двайнікі вядомых беларусаў. І не кажыце, што не задумваліся пра іх падабенства12
Каментары