У Мінску зафіксавалі самы цёплы дзень 4 студзеня за апошнія 30 гадоў
У сталіцы 4 студзеня слупок тэрмометра паказваў +4°С, што на 9°С вышэй за кліматычную норму. Гэта самае цёплае 4 студзеня за 30 гадоў.
Але калі казаць пра першы месяц беларускай зімы, то тэмпература паветра ўпершыню за 9 гадоў была ніжэй за кліматычную норму, паведамілі БЕЛТА ў Белгідрамеце.
Сярэдняя па Беларусі тэмпература паветра склала -3,5°С, што ніжэй за кліматычную норму на 0,2°С. Упершыню за 9 гадоў сярэдняя тэмпература паветра за месяц была ніжэйшай за норму, да гэтага з 2013 года адзначаліся адхіленні ў бок плюсу.
Максімальная тэмпература паветра ў снежні адзначана на станцыі Высокае 31 снежня — + 9,5°С.
Ноччу на працягу месяца было ад мінус 15 да мінус 1, а ў самыя цёплыя ночы на тэрмометры адзначаліся плюсавыя значэнні. Мінімальнае значэнне тэмпературы -23,5°С было зафіксавана на станцыі Езярышча 8 снежня.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары