Лакдаўн заспеў дзяўчыну з кітайскага Чжэнчжоу на спатканні ўсляпую — давялося правесці з незнаёмцам некалькі дзён
Бацькі 30-гадовай дзяўчыны па прозвішчы Ван з кітайскага горада Чжэнчжоу вельмі перажываюць, што гады ідуць, а сур’ёзных адносін у яе няма. Таму яны выбралі для яе дзесяць прэтэндэнтаў для спатканняў усляпую. Але на пятым спатканні, калі дзяўчына была на вячэры ў хлопца дома, бо той вырашыў прадэманстраваць ёй кулінарныя здольнасці, праз успышку каранавіруса раён горада, дзе маладыя людзі сустрэліся, быў тэрмінова заблакаваны, піша CNN.
Дзяўчыне давялося на некалькі дзён правесці ў доме хлопца. Яна размясціла відэа свайго нечаканага досведу сумеснага жыцця ў сацыяльных сетках, паказаўшы, як яе новы знаёмы гатуе для яе ежу, падмятае падлогу. Відэа хутка стала вірусным, а спатканне Ван стала самай папулярнай тэмай на Weibo, кітайскай платформе, падобнай да Twitter.
Кітай рэгулярна ізалюе цэлыя раёны пасля выяўлення сярод жыхароў выпадкаў заражэння кавідам. Гэтыя раптоўныя блакаванні нароўні з масавым тэставаннем і шырокім каранцінам з'яўляюцца часткай стратэгіі краіны па барацьбе з каранавірусам, накіраванай на хуткае спыненне лакальных успышак.
Што думае Ван пра свайго новага знаёмага пасля вымушанага працяглага спаткання? «Што я зразумела за час каранціну? Зразумела, што, ён стрыманы, як драўляны манекен, а ў астатнім ён выдатны чалавек. Гатуе, прыбірае ў доме і працуе», — сказала яна парталу the Paper.
Ван сказала ў допісе ў панядзелак, што яна прыбрала арыгінальнае відэа са свайго акаўнта пасля таго, як яно стала вірусным. «Проста цяпер я ўсё яшчэ знаходжуся ў доме гэтага чалавека. Ён сціплы, сумленны чалавек і мала гаворыць. Пасля таго, як маё відэа стала папулярным (на Weibo), некаторыя сябры пачалі тэлефанаваць яму — я думаю, гэта паўплывала на яго жыццё. Вось чаму я выдаліла яго», — патлумачыла яна.
«Дзякуй усім за ўвагу… Я спадзяюся, што пандэмія хутка скончыцца і што адзінокія дзяўчаты хутка змогуць знайсці пару».
Па стане на чацвер незразумела, ці жыве Ван яшчэ ў доме свайго хлопца.
У Чжэнчжоу, сталіцы правінцыі Хэнань, паведамілі пра больш чым сто выпадкаў захворвання на Covid-19. У аўторак улады закрылі ўсе другарадныя прадпрыемствы, такія, як салоны прыгажосці, забаранілі абедаць у рэстаранах і спынілі працу аўтобусаў і таксі, каб праверыць 12,6 мільёна жыхароў горада на наяўнасць віруса.
Якое порна шукаюць і глядзяць беларусы? 18+
Самымі сэксуальнымі ў свеце цяпер лічацца мужчыны 50+
-
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты
-
Што такое мужчынская кантрацэпцыя цяпер? Навукоўцы навучыліся выключаць і ўключаць выпрацоўку сперматазоідаў
-
«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты28
Каментары