Ад 42 тысяч даляраў за аднапакаёўку. На аўкцыён выставілі гатовыя кватэры ў розных раёнах Мінска
Мінскі домабудаўнічы камбінат зноў выставіў на аўкцыён гатовае жыллё. У гэты раз на таргі (іх арганізуе Мінскі гарадскі цэнтр нерухомасці) патрапіла сем кватэр. Большасць з іх знаходзіцца ў новым доме па Партызанскім праспекце. Таксама сярод лотаў ёсць кватэры на Бельскага, Скрыпнікава, Пляханава і Нёманскай. Паведамленне аб правядзенні таргоў апублікаванае ў сённяшнім нумары газеты «Звязда», піша Realt.by
Пачнем з панэльнага дома № 71Б на Партызанскім праспекце. Шматпавярховік з'явіўся тут у 2020 годзе на месцы знесенага дзіцячага садка. Заказчыкам і генпадрадчыкам будаўніцтва выступіў Мінскі домабудаўнічы камбінат. Усяго ў доме 98 кватэр. Большасць з іх дасталася тым, хто мае патрэбу ў паляпшэнні жыллёвых умоў.
Кватэры, якія засталіся ў забудоўшчыка, можна купіць з аўкцыёна. Паўдзельнічаць у таргах можа любы жадаючы. Адзначым, што з красавіка мінулага года кошт кватэр на Партызанскім праспекце знізіўся на 20-40 тысяч рублёў. Сёння стаць уласнікам двушкі з месцам у паркінгу пры адсутнасці іншых заяўнікаў можна, заплаціўшы каля 72-78 тысяч даляраў.
У гэты раз на таргі патрапілі:
— двухпакаёвая кватэра (6-ы паверх) на Партызанскім праспекце, 71Б, агульная плошча — 63,5 кв.м + машынамесца ў падземным гаражы, пачатковы кошт — 188 тысяч рублёў;
— двухпакаёвая кватэра (2-і паверх) на Партызанскім праспекце, 71Б, агульная плошча — 67,4 кв. м + машынамесца ў падземным гаражы, пачатковы кошт — 199 тысяч рублёў;
— двухпакаёвая кватэра (1-ы паверх) на Партызанскім праспекце, 71Б, агульная плошча — 65,4 кв.м + машынамесца ў падземным гаражы, пачатковы кошт — 203 тысячы рублёў.
Што тычыцца астатняга жылля, то ўсё гэта таксама кватэры ва ўжо здадзеных дамах ад Мінскага домабудаўнічага камбіната:
— аднапакаёвая кватэра (2-і паверх) на вуліцы Бельскага, 35, агульная плошча 33,5 кв. м, пачатковы кошт — 109 тысяч рублёў (блізу 42 тысяч даляраў);
— аднапакаёвая кватэра (19-ы паверх) на вуліцы Скрыпнікава, 60, агульная плошча-42,4 кв. м, пачатковы кошт — 127 тысяч рублёў (каля 49 тысяч даляраў);
— трохпакаёвая кватэра (9-ы паверх) на вуліцы Пляханава, 56/1, агульная плошча — 62,3 кв. м, пачатковы кошт— 153 тысячы рублёў (каля 59 тысяч даляраў);
— трохпакаёвая кватэра (3 паверх) на вуліцы Нёманскай, 25, агульная плошча — 77,5 кв. м, пачатковы кошт — 213 тысяч рублёў (каля 82 тысяч даляраў).
Аўкцыён адбудзецца 31 студзеня ў 16.00 у Мінскім гарадскім цэнтры нерухомасці на адрасе: Мінск, вул. Карла Маркса, 39. Таргі пройдуць у форме адкрытага аўкцыёна з умовамі на павышэнне пачатковай цаны. Крок аўкцыёна складзе пяць тысяч рублёў. Калі на кватэру будзе прэтэндаваць адзін пакупнік, то ён можа набыць жыллё з павелічэннем першапачатковага кошту на 5%. Пераможца таргоў (пакупнік) таксама павінен будзе аплаціць узнагароджанне за арганізацыю і правядзенне таргоў у памеры 1% ад цаны продажу прадмета таргоў.
Каментары