Парламент Казахстана адмяніў неабходнасць узгаднення з Назарбаевым асноўных напрамкаў палітыкі
Мажыліс (ніжняя палата) парламента Казахстана прыняў заканадаўчыя папраўкі, якія адмяняюць неабходнасць ўзгаднення з экс-прэзідэнтам Нурсултанам Назарбаевым асноўных напрамкаў унутранай і знешняй палітыкі.
Папраўку ў закон «Аб унясенні змяненняў і дапаўненняў у некаторыя канстытуцыйныя законы Рэспублікі» прапанавала верхняя палата парламента (Сенат) 27 студзеня.
Такім чынам, закон лічыцца прынятым парламентам і будзе накіраваны на подпіс прэзідэнту Касым-Жамарту Такаеву, паведамляе «Новая газета».
Статус елбасы замацаваны ў законе, прынятым у 2000 годзе, а неабходнасць узгаднення з ім дзяржпалітыкі была замацаваная папраўкамі 2010 года.
Адначасова з гэтым прыняты Канстытуцыйны закон прадугледжвае змены ў артыкул закона «Аб першым прэзідэнце», згодна з якімі Назарбаеў не будзе ўзначальваць Асамблею народа Казахстана (АНК) і Раду бяспекі краіны. Назарбаеў перадаў паўнамоцтвы кіраўніка АНК Такаеву ў 2021 годзе, пасады кіраўніка Рады бяспекі ён пазбавіўся падчас пратэстаў.
Першаму прэзідэнту, паводле паправак, якія былі апублікаваныя 20 студзеня, захаваюць права ўваходзіць у склад Канстытуцыйнай рады рэспублікі і выступаць ва ўрадзе і парламенце.
У Казахстане 2 студзеня з-за павышэння цэн на газ пачаліся масавыя пратэсты. Яны хутка распаўсюдзіліся па ўсёй краіне і перараслі ў сілавыя сутыкненні. Самыя жорсткія сутычкі ішлі ў былой сталіцы краіны Алматы. Урад Казахстана пайшоў у адстаўку, а прэзідэнт увёў надзвычайнае становішча на ўсёй тэрыторыі краіны. Пасля пачаліся перастаноўкі на кіруючых пасадах у органах улады і буйных кампаніях.
18 студзеня Назарбаеў упершыню пасля пратэстаў з'явіўся на публіцы. Ён назваў сябе пенсіянерам і заявіў, што студзеньскія пратэсты і беспарадкі ў краіне сталі «атакай на Казахстан з мэтай разбурыць асновы дзяржавы».
Чытайце таксама:
Змясціў Назарбаева і стаў сапраўдным лідарам Казахстана. Што эксперты па Сярэдняй Азіі кажуць аб пратэстах у Казахстане
Такаеў назваў пралікі Назарбаева урокам будучым прэзідэнтам Казахстана
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары