Міністр антыманапольнага рэгулявання і гандлю Аляксей Багданаў расказаў у эфіры праграмы «Марков. Ничего личного» на АНТ пра метады стрымлівання росту цэнаў, якія будуць прымяняцца ў 2022 годзе, піша Zerkalo.io.
«Мы, безумоўна, працягнем і ў 2022 годзе рэгуляванне цэнаў, якое ў нас сёння ёсць: абмежаваныя ўзровень рэнтабельнасці вытворцы і ўзровень гандлёвай надбаўкі.
Больш за 10% рэнтабельнасці і больш за 30% гандлёвай надбаўкі нельга. Будуць карацца штрафамі тыя парушальнікі, якія трапяцца на такім парушэнні заканадаўства аб цэнаўтварэнні», — сказаў Багданаў.
Таксама, па яго словах, будуць прымацца захады жорсткага цэнавага рэгулявання на тыя таварныя групы, якія засведчаць імклівы рост у цане. Напрыклад, як гэта было з гароднінай ці наборам для баршча.
«Мы пастараемся разам з усімі зацікаўленымі ведамствамі максімальна забяспечыць унутраны рынак айчыннай прадукцыяй. Долю яе будзем павялічваць. Гэта дазволіць стрымаць інфляцыю, бо мы самі яе вырабілі, яна апрыёры танней і не так разагравае рынак.
Акрамя таго, у нас ёсць шырокі спектр антыманапольных функцый. Мы будзем і далей адсочваць цэнавыя змовы, картэльныя змовы, каб гэтага не адбывалася», — дадаў кіраўнік МАРГ.
Ён адзначыў, што нядаўна ў Лукашэнкі абмяркоўваўся новы ўказ «Аб удасканаленні сістэмы дзяржаўных закупак». У ім закладзены яшчэ адзін механізм: да дзяржаўных закупак не будуць дапускацца афіліяваныя асобы, якія могуць уступаць у цэнавыя змовы і гуляць на павышэнне пры закупцы тых ці іншых тавараў.
Чытайце таксама:
Белстат: За год цэны на прадукты выраслі на 12 працэнтаў
«Краіна страчвае магчымасці развіцця». Эканамісты пра тое, што будзе з цэнамі і заробкамі беларусаў у 2022 годзе
МАРГ знайшоў, хто завышае цэны на гародніну. Буйным сеткам далі штрафы
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары