МАРГ паведаміў, хто парушаў правілы цэнаўтварэння і атрымаў вялікія штрафы. У спіс парушальнікаў трапілі буйныя сеткі і прадаўцы з Камароўкі, іх выявілі падчас маніторынгу цэнаў і па наводках ад грамадзян і юрыдычных асоб, піша Onliner.by.
У выніку да адміністрацыйнай адказнасці прыцягнулі кампаніі «Еўрагандаль», «Грынрозніца», «Тытунь-Інвест», «Юніфуд», «Белвілесдэн», «Фудлагістык», «Зарына», 12 службовых асоб, якія дапусцілі парушэнні, а таксама індывідуальных прадпрымальнікаў, якія гандлявалі плодаагародніннай прадукцыяй на Камароўцы.
МАРГ палічыў, што ў агульнай суме па гэтых фактах цэны на гародніну былі завышаныя на 190,5 тысячы рублёў. Пры гэтым 11,6% — гэта завышэнне адпускных цэн аптовымі пастаўшчыкамі, 88,4% — перавышэнне рознічных цэн.
Эканамічны суд Мінска ўсім парушальнікам даў штрафы — трэба выплаціць у двухразовым памеры розніцу паміж фактычнай выручкай і разліковай выручкай, якая б атрымалася, калі б гэтыя тавары былі прададзеныя па ўстаноўленых у адпаведнасці з заканадаўствам цэнах.
У студзені 2022 года ў аналагічных парушэннях западозрылі кампаніі «Чыстыя крыніцы», «Наваколле», «Лібрэтык», «КваліМОЛЛ». Матэрыялы адпраўленыя ў суд.
«Усяго сума завышэння адпускных і рознічных цэн, выяўленых з пачатку 2022 года, ужо склала 65 433,77 рубля», — падлічылі ў МАРГ.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары