У ЗША злачынец 17 гадзін трымаў 80-гадовую жанчыну ў падвале. Яе знікненне заўважылі, калі яна не падзялілася вынікам у Wordle
Інцыдэнт здарыўся ў ноч на 6 лютага. 80-гадовая жанчына прачнулася і знайшла ў сваёй спальні невядомага распранутага мужчыну. Злачынец прыгразіў ёй нажніцамі і залез у ложак, заявіўшы, што яму холадна, пра гэта паведамляе CBS Chicago.
Пасля злачынец загадаў жанчыне пайсці з ім у душ і прымусіў яе прыняць з ім ванну проста ў начной кашулі. Потым мужчына вадзіў яе па пакоях, адключаючы тэлефоны, і ў выніку замкнуў у падвале.
Там жанчына рабіла практыкаванні і маршыравала, каб не змерзнуць.
У гэты час дочкі Холт занепакоіліся, што маці не падзялілася з імі вынікам рашэння анлайн-галаваломкі Wordle, а таксама не адказвае на паведамленні і званкі. Яны выклікалі паліцыю ў хату жанчыны, якая яе і вызваліла.
Злачынцу затрымалі. Ім аказаўся 32-гадовы мужчына, у якога, як лічыць паліцыя, ёсць псіхічнае захворванне.
Чытайце таксама:
Сусветна вядомая гульня Wordle з'явілася на беларускай мове
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары