«Аўтар у турме, а героі ягоныя прабраліся на волю». Штотыдзень выходзяць мульцікі з вершамі Андрэя Скурко
Андрэй Скурко — палітвязень, выбітны аўтар і рэдактар. Па надуманым абвінавачванні ён і галоўны рэдактар «Нашай Нівы» Ягор Марціновіч, як і дзясяткі іншых незалежных журналістаў, знаходзяцца за кратамі. Цяпер над імі праходзіць суд.
Вершы, што Андрэй Скурко ў лістах дасылае свайму сыну Тамашу, сталі сапраўднай падзеяй беларускай дзіцячай літаратуры.
Штосераду ютуб-канал «Бэйбус» публікуе Андрэевы вершы з цудоўнай анімацыяй.
Верш гэтага тыдня чытае Зоя Белахвосцік.
Андрэй вельмі дзякуе артыстам і ўсім цудоўным людзям, якія спрычыніліся да з'яўлення аўдыякніжкі. Гэта сапраўды цуд нашых часоў: аўтар за сценамі Валадаркі, а героі ягоныя прабраліся на волю і жывуць шчаслівым жыццём (сённяшнія вясёлыя героі — гэта добры воўк, маленькі барсучок, кот і мышкі-харысты)», — напісала ў Facebook Паўліна Скурко, жонка Андрэя.
Працэс над галоўным рэдактарам «Нашай Нівы» Ягорам Марціновічам і Андрэем Скурко пачаўся 28 лютага. Ён праходзіць ў судзе Заводскага раёна Мінска. Нашаніўцам пагражае да пяці гадоў калоніі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары