Мінчука асудзілі на два гады калоніі за адзін фотаздымак з маршу
На судзе палітвязень віну не прызнаў і лічыць, што яго віна не даказаная.
У судзе Кастрычніцкага раёна Мінска 17 сакавіка да двух гадоў калоніі агульнага рэжыму асудзілі 40-гадовага палітзняволенага мінчука Андрэя Чудзінава. Яго абвінавацілі па ч. 1 арт. 342 Крымінальнага кодэкса (удзел у дзеяннях, якія груба парушаюць грамадскі парадак) за ўдзел у «Маршы Новай Беларусі» 23 жніўня 2020 году. Справу разглядала суддзя Вольга Няборская, паведамляюць праваабаронцы.
Згодна версіі абвінавачвання, 23 жніўня 2020 года, знаходзячыся на праезнай часткі каля праспекту Незалежнасці ў Мінску ён публічна заклікаў да актыўнага ўдзелу ў групавых дзеяннях, якія груба парушаюць грамадскі парадак. Гэта выявілася ў тым, што ён «публічна выкрыкваў лозунгі, гучна пляскаў у далоні, знаходзіўся на праезнай частцы, чым блакіраваў і перашкаджаў руху транспарту ў Мінску».
Асноўным і адзіным доказам віны Чудзінава стаў фотаздымак з Марша 23 жніўня 2020 года на яго тэлефоне, які раней забралі супрацоўнікі.
Андрэй Чудзінаў знаходзіцца пад вартай у турме №8 у Жодзіне больш за два месяцы — яго затрымалі 4 студзеня 2022 года, калі ён сам прыйшоў у Следчы камітэт. Яму змянілі меру стрымання. На судзе палітвязень віну не прызнаў і лічыць, што яго віна не даказаная.
Але суддзя Вольга Няборская прызначыла яму два гады калоніі ва ўмовах агульнага рэжыму.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары