Прэзідэнт ЗША Джо Байдэн выказаў гатоўнасць асабіста паехаць ў Кіеў. Гэта прагучала сёння перад вылетам прэзідэнцкага самалёта Air Force One.
Прэс-служба Белага дома замест афіцыйнага паведамлення прыводзіць на афіцыйным сайце наступны нефармальны дыялог:
Журналіст: Ці адправіце вы афіцыйных асоб ва Украіну? Вы адправіце высокапастаўленых чыноўнікаў ва Украіну?
Байдэн: Мы прымаем гэта рашэнне зараз. Дзякуй.
Журналіст: Каго вы пашляцё?
Байдэн: Вы гатовыя ехаць?
Журналіст: А Вы?
Байдэн: Так.
У той жа час CNN са спасылкай на крыніцы піша, што амерыканскія чыноўнікі правялі папярэднія абмеркаванні адносна адпраўкі ва Украіну высокапастаўленага члена Адміністрацыі прэзідэнта ЗША.
«Хоць Байдэн і віцэ-прэзідэнт Камала Гарыс наўрад ці самі наведаюць Кіеў у бліжэйшы час, чыноўнікі абмяркоўвалі магчымасць камандзіроўкі міністра абароны Лойда Осціна або дзяржсакратара Энтані Блінкена», — гаворыцца ў матэрыяле CNN.
Крыніцы выдання, праўда, сцвярджаюць, што рашэнне яшчэ далёка не канчатковае і візіт у рэшце рэшт можа не адбыцца.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары