Міністэрства інфармацыі на тры месяцы прыпыніла дзейнасць выдавецтваў «Лімарыус» і «Кнігазбор». Пра гэта паведамляецца на сайце ведамства.
Фармальнай падставай для прыпынення дзейнасці стала парушэнне «тэрмінаў звароту ў Міністэрства інфармацыі Рэспублікі Беларусь з паведамленнем аб змене звестак, якія падлягаюць уключэнню ў Дзяржаўны рэестр выдаўцоў, вытворцаў і распаўсюджвальнікаў друкаваных выданняў».
Дзейнасць выдавецтваў прыпыняецца з 16 мая.
Выдавецтва «Лімарыус» заснаваў Аляксандр Фядута, які цяпер знаходзіцца ў СІЗА КДБ па абвінавачванні ў змове з мэтай захопу ўлады неканстытуцыйным шляхам (частка 1 артыкула 357 КК).
Выдавецтва «Кнігазбор» ужо прыцягвала ўвагу сілавікоў летась. Дырэктара выдавецтва Генадзя Вінярскага выклікалі на допыт, рахунак выдавецтва нейкі час быў заблакаваны, але пазней прэтэнзіі былі знятыя.
Раней улады прыпынілі на тыя ж тры месяцы дзейнасць выдавецтва «Галіяфы».
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак5
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары