На музычным фестывалі ў Германіі сабралі грошы для падтрымкі палітзняволенага беларускага гурта Irdorath
На фестывалі сярэднявечнай і фолк-музыкі Feuertanz, які праходзіў у Абенсбергу (Германія) 24—25 чэрвеня, сабралі сродкі для ўдзельнікаў гурта Irdorath, якія адбываюць тэрмін у беларускай калоніі. Усяго было сабрана 4 тысячы еўра. Усе сродкі пойдуць на «элементарныя патрэбы» артыстаў, паведамляе Reform.by.
Фота: feuertanz-festival.com
Музыкаў Irdorath затрымалі ў жніўні 2021 года. Іх прызналі вінаватымі па артыкуле 342 КК («арганізацыя або падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).
Муж і жонка Уладзімір і Надзея Калач атрымалі па два гады калоніі, Антона Шніпа і Юлію Марчанка прысудзілі да паўтара года калоніі. Музыкі прызнаныя палітвязнямі.
Каментары