Ці марылі ліцвіны і русіны пра мора? Публічная лекцыя Андрэя Радамана ВІДЭА
Пачатак вайны за Інфлянты, Віленская унія 1561 года і выхад да Балтыйскага мора нараджалі для Рэчы Паспалітай патрэбу ў валоданні ваенна-марскім флотам на Балтыцы. Пра cпробы стварэння флота Рэчы Паспалітай на Балтыйскім моры ў XVI-XVII стагоддзях у Беларускім моладзевым хабе ў Варшаве, які з нядаўняга часу стаў ладзіць сустрэчы з беларускімі гісторыкамі ў рамках спецыяльнага праекта «Кава з гісторыкам», расказаў Андрэй Радаман.
Шведскія каралі дынастыі Ваза мелі ідэю аб ператварэнні Рэчы Паспалітай у моцнае цэнтралізаванае дзяржаўнае ўтварэнне, якое б валодала баяздольным ваенна-марскім флотам на Балтыйскім моры. Але большасць палітычнай эліты любыя памкненні манархаў дамінаваць на Балтыцы атаясамлівалі з памкненнем да ўмацавання манархічнай улады і выхадам за акрэсленыя шляхецкім соймам рамкі канцэпцыі развіцця дзяржаўнасці.
Лідары рэгіянальных шляхецкіх эліт у сваёй большасці не ведалі мора, не разумелі выгодаў, якія маглі б атрымаць ад марскога гандлю, а мараплаванне лічылі выключна мяшчанскім заняткам. Толькі нямногія ліцвіны і русіны, змагаючыся пад сценамі Смаленска, Хоціна і Парнавы, марылі пра мора.
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны15
Каментары