Расіяне ўжо некалькі разоў адрапартавалі пра знішчэнне HIMARS. Але не ведалі аднаго простага факта
Расійскія прапагандысты, а таксама сілавыя структуры, ужо некалькі разоў расказалі пра знішчэнне некалькіх украінскіх сістэм HIMARS амерыканскай вытворчасці. Украінцы і амерыканцы абвяргалі гэтыя паведамленні, ды і ёсць адзін сур’ёзны нюанс.
З 5 да 20 ліпеня ва Украіне былі знішчаныя чатыры пускавыя ўстаноўкі і адна транспартна-зараджальная машына рэактыўнай сістэмы залпавага агню (РСЗА) HIMARS, паведамляла Мінабароны Расіі.
«З іх дзве пускавыя ўстаноўкі ліквідаваныя ў раёне населенага пункта Малатаранаўка, яшчэ адзін HIMARS і транспартна-зараджальная машына ў раёне Чырвонаармейска і чацвёртая пускавая ўстаноўка — на ўсходняй ускраіне Канстанцінаўкі Данецкай Народнай Рэспублікі», — сцвярджае ведамства.
РСЗА былі знішчаныя «высокадакладнай зброяй наземнага і паветранага базіравання», патлумачыла расійскае Мінабароны.
Адразу ж амерыканцы абверглі гэтае паведамленне.
Але цікава іншае. Незразумела, што расіяне назвалі «транспартна-зараджальнай машынай». HIMARS з'яўляецца аўтаномным комплексам і «транспартна-зараджальнай машыны» да яго проста не існуе.
Снарады да HIMARS знаходзяцца ў блоку, які зараджаецца самой устаноўкай, без выкарыстання зараджальных машын, пра знішчэнне якіх заявіла расійская армія.
Паглядзіце, як адбываецца зарадка HIMARS.
HIMARS сталі значным фактарам у вайне, паказаўшы высокую эфектыўнасць на полі бою.
Расійская прапаганда ўжо пасля першых вынікаў паспяховай працы амерыканскай РСЗА стала распаўсюджваць фэйкі па гэтай тэме. Напрыклад, расіяне пісалі, што нібыта HIMARS з'яўляюцца неэфектыўнымі і састарэлым, што таксама з'яўляецца хлуснёй.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі66
Каментары