Фота: BBC Food

Каб згатаваць грушавы пірог з міндалём, вам спатрэбіцца:

  • 200 грамаў мукі
  • 200 грамаў цукру + 1 сталовая лыжка для пакрыцця
  • 200 грамаў размяклага масла + яшчэ трошкі, каб змазаць форму
  • 4 яйкі
  • 1 чайная лыжка разрыхляльніку
  • 2 сталовыя лыжкі малака (тлустага)
  • 3 грушы (аблупіце іх і дастаньце з іх сярэдзінкі, мякаць груш тонка нарэжце)
  • 3 сталовыя лыжкі міндалёвых пялёсткаў
  • цукровая пудра

Падаваць пірог можна з крэмам шантыльі. Для яго вам спатрэбіцца:

  • 250 грамаў вяршкоў 30% тлустасці
  • 1 сталовая лыжка прасеянай цукровай пудры
  • 1 стручок ванілі (або 15 грамаў ванільнага цукру)
  1. Вазьміце форму са здымным дном дыяметрам 20 сантыметраў, высцеліце яе паперай для выпякання і нацярыце маслам. Разагрэйце духоўку да 180 градусаў.
  2. Пакладзіце ў вялікую міску муку, цукар, масла, яйкі, разрыхляльнік і малако. Узбівайце сумесь, пакуль яна не стане крэмавай і аднастайнай. Перакладзіце яе ў падрыхтаваную форму і раскладзіце зверху колам нарэзаныя грушы. Размяшчайце іх шчыльна, каб усім грушам хапіла месца. Пасыпце ўсё міндалевымі пялёсткамі і цукровай пудрай.
  3. Выпякайце пірог 55—60 хвілін. Пірог будзе гатовы, калі яго верх набудзе залаціста-карычневы колер, таксама можаце ўставіць у яго цэнтр зубачыстку і дастаць яе — на ёй не павінна быць рэшткаў цеста. Пакіньце пірог астываць у форме прыкладна на паўгадзіны.
  4. Калі вы робіце крэм шантыльі, узбівайце разам вяршкі, цукровую пудру і ваніль у вялікай місцы з дапамогай электрычнага ручнога міксера да ступені мяккіх пікаў.
  5. Дастаньце пірог з формы, перакладзіце яго на талерку і крыху прысыпце цукровай пудрай. Нарэжце на кавалкі і падавайце з лыжкай крэму шантыльі.

Вось чаму карысна есці яйкі ўкрутую

Рэцэпт на выхадныя. Фаршыраваныя баклажаны — класічны італьянскі сялянскі рэцэпт

Рэцэпт на выхадныя. Кексы з малінамі і белым шакаладам — новы смак летняга дэсерту

Клас
4
Панылы сорам
Ха-ха
Ого
2
Сумна
2
Абуральна

Хочаш падзяліцца важнай інфармацыяй ананімна і канфідэнцыйна?

2
чыпсы з бульбянай лупіны / Адказаць
06.08.2022
не ну... вы зноў здзекуецеся, да?
якія міндалёвыя пялёсткі? якія 250 грамаў вяршкоў 30% тлустасці ў нашых краях і ў наш час-то? ці вы чыста для эмігрантаў гэта ўсё пішаце? для літоўскіх заможных кукарачак? да?
0
Гурман / Адказаць
06.08.2022
Не. Шарлотка будзе лепей. А дадайце да яе(каму гэта карціць) тыя пялёстачкі з шантыляй, дык і ўвогуле няма словаў... А гэта - не. Ігрушы лепш так з'есьці, як яны ёсьць.
1
Максим Дизайнер / Адказаць
07.08.2022
Гурман

Ну, да, будь прощэ, паши за 400 баксов, атдавай усе барщэварцы, каторая тибе салатики из 20-и инггыдиентав пад маянезикам робиць, и батоны с яблыками на адвали пячэ. Зачэм там какие-та сливки для белых в стране, где робяць сваю малочку шукать.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру