Майстрыха і мадэльерка Алена Маркоўка, уладальніца майстэрні вышыванак і нацыянальнай вопраткі Elen Carotte, распрацавала лінейку школьнай формы ў нацыянальным стылі, піша Budzma.org.
Майстэрня Elen Carotte прадстаўляе новы варыянт школьнай формы на аснове нацыянальных традыцый. Гэта дазваляе захаваць уніфікаванасць знешняга выгляду вучняў, але пры гэтым даць магчымасць кожнаму класу або кожнаму дзіцяці ў класе мець індывідуальную адметнасць. Форма ў нацыянальным стылі садзейнічае выхаванню ў вучняў павагі і гонару за сваю школу, дысцыплінаванасці, прывівае пачуццё таварыства і годнасці.
Канструктыўнай асаблівасцю формы ад Elen Carotte з’яўляецца сістэма «форма расце разам з дзіцем». Гэты эфект дае магчымасць рэгуляваць форму ў гарызантальным (па памеры) і вертыкальным (па росце) напрамках. Такім чынам дасягаецца выдатная пасадка па фігуры на кожнага вучня, а таксама ўлічваюцца ўзроставыя асаблівасці дзяцей і падлеткаў, якія растуць нераўнамерна.
Якасныя матэрыялы і высокія стандарты выканання, прынятыя ў Elen Carotte, дазваляюць выкарыстоўваць форму на працягу некалькіх гадоў. Гэта дае магчымасць мінімізаваць бюджэтныя затраты бацькоў.
На здымку прадстаўленыя варыянты формы для дзяўчынак, форму для хлопчыкаў таксама можна распрацаваць пры пэўным запыце. Кошты і мадэлі абгаворваюцца індывідуальна ў залежнасці ад замовы.
Форма адшываецца індывідуальна. Сярэдні кошт за поўную форму — спаднічка/порткі, камізэлька, кашуля з машыннай вышыўкай — каля 150 рублёў. Замовіць форму можна праз сайт kroplia.by ці афіцыйную старонку Elen Carotte.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванні сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак3
Каментары
цкага шарму