Новая хваля актыўнасці сілавікоў у Янаве: шукаюць дыверсантаў на чыгунцы
Гэтым разам з-за меркаванай дыверсіі на чыгунцы правяраюць калгаснікаў, ходзяць па барах ды запраўках, паведамляюць праваабаронцы.
У горадзе Янаве ды раёне ізноў неспакойна: міліцыя ды АМАП ужо некалькі дзён робяць масавыя «візіты» да грамадзян. Падстава — меркаваны выбух на чыгунцы недзе ў Берасцейскай вобласці.
Паколькі ля месца дыверсіі знайшлі каністры з фарбаваным палівам, якое выкарыстоўваюць у калгасах, то сілавікі прайшліся па запраўках, дзе «лажылі тварам у падлогу».
Потым праваахоўнікі пайшлі па калгасах ды калгасніках. Апошняе вядомае месца, дзе сілавікі праявілі актыўнасць — гэта разгон народу з іванаўскага бара «Мёд». Адбылося гэта ў ноч з 5 на 6 жніўня. А другой гадзіне апаўночы, калі бар павінен быў зачыняцца, туды прыехаў АМАП. Прысутным загадалі разысціся, тых, хто не пагадзіўся, затрымалі. Вядома, што пэўная частка пайшла працягваць адпачынак на запраўку. Тады амапаўцы прыехалі і туды, адбыліся яшчэ затрыманні, склалі пратаколы.
Адзначаюць, што акрамя мясцовых міліцыянераў удзел у затрыманнях бяруць мінскія сілавікі.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары