За друкаванне налепак з арнаментам і Пагоняй затрымалі дырэктара студыі дызайну
Відэа з ім выклалі праўладныя каналы.
Затрыманага клічуць Аляксандр Васільеў, і яму 42 гады. Ён жыве ў Мінску і з'яўляецца дырэктарам дызайн-студыі «Мерлен», якая друкуе сувеніры на замову.
Мужчына любіць падарожнічаць. Таксама ён захапляўся квізамі і даволі шмат гуляў у розныя квізы ў Мінску.
Сілавікі закідаюць яму «друкаванне пратэснай сімволікі» — на відэа і фота, якія яны публікуюць, магніты, налепкі і іншая прадукцыя з нацыянальным арнаментам і Пагоняй. Трэба адзначыць, што ніводзін з гэтых сімвалаў не быў забаронены, а да 2020 году яны былі ў свабодным продажы.
Мужчыну аднойчы ўжо затрымлівалі падчас пратэсту 8 лістапада 2020 году і прысудзілі дзесяць сутак арышту. Адбываў пакаранне ён у Жодзіне.
Каналы сілавікоў паведамляюць, што ў мужчыны канфіскавалі частку тавараў. Па іх словах, разглядаецца пытанне пра завядзенне супраць яго крымінальнай справы.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары