Прэзідэнт Латвіі: Варта ануляваць дазволы на жыхарства і візы тым, хто настроены па-пракрамлёўску
Латвія павінна перагледзець ужо выдадзеныя дазволы на жыхарства і ануляваць візы тым, хто падтрымлівае расійскую агрэсію. Пра гэта заявіў прэзідэнт краіны Эгіл Левітс у сваёй прамове, піша Delfi.
Ён паведаміў, што дазволы на жыхарства надалей не павінны выдавацца тым пастаянным жыхарам Латвіі, якія ў будучыні прымуць расійскае грамадзянства.
«Яны павінны будуць пакінуць нашу краіну», — сказаў палітык.
«Гандаль папярэднімі ўрадамі дазволамі на жыхарства, іх неапраўданая шчодрасць у выдачы дазволаў на жыхарства расійскім грамадзянам, за якой хаваліся толькі карыслівыя інтарэсы некаторых палітычных бізнэсменаў, стварылі рызыкі бяспецы і паспрыялі двухмоўю. Прыйшоў час правесці рэвізію наступстваў гэтай няўдалай і небяспечнай палітыкі», — заявіў Левітс.
Таксама палітык сказаў, што Расія, у якіх бы дзяржаўных фарматах яна б не існавала, заўсёды была імперскай і пагрозай сваім суседзям.
«Забойства нявінных людзей, катаванні, знявагі, дэпартацыі, пазбаўленне чалавечай годнасці — усё, што сёння адбываецца ва Украіне, адбывалася і тут, у нас, у Латвіі», — сказаў кіраўнік Латвіі.
Левітс нагадаў, што Латвія не выдае турыстычных віз расіянам ужо з першага дня вайны. Аднак іншыя краіны працягваюць гэта рабіць.
-
МЗС Расіі прыгразіла адказам краінам Балтыі праз тое, што яны нібыта адкрылі паветраную прастору для ўкраінскіх дронаў
-
«Найвялікшая бясплатная рэклама ў гісторыі». Слоічак Nutella нечакана ўварваўся ў прамую трансляцыю палёту вакол Месяца
-
У Іране заклікалі студэнтаў і школьнікаў выходзіць у жывыя ланцугі вакол электрастанцый
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе9
Каментары