Новазеландскі марскі коцік залез у дом, ганяўся за кошкай і паляжаў на канапе
Сям'я новазеландскага марскога біёлага знайшла ў сябе дома незвычайнага госця — маладога марскога коціка. Жывёла забралася ў будынак праз дзверцы для ката і правяла ўнутры больш за дзве гадзіны.
У Новай Зеландыі вярнулі ў ваду цікаўнага марскога коціка, які перад гэтым улез у дом да мясцовага жыхара. Жывёла ганялася за кошкай, якая належыць гаспадару дома, пакуль наверсе спалі дзеці. Нечаканы госць толькі цудам нічога не пашкодзіў, піша Guardian.
Здарэнне мела месца раніцай у сераду ў раёне Маўнт-Маўнгані, што знаходзіцца ля горада Таўранга, за 150 метраў ад акіяна. Марскі коцік трапіў у дом Філа Роса, марскога біёлага, але той не быў дома і не застаў жывёлу, пра што цяпер шкадуе, бо пры сустрэчы з коцікам яго веды былі б дужа карысныя.
Жывёлу заўважыла жонка Філа, Джэн, калі збіралася на трэніроўку. Яна пачула гукі, падобныя да лаю і шаркання, але вырашыла, што яны сыходзяць ад нейкага сабакі. Праз гадзіну Джэн вярнулася з трэніроўкі і ўбачыла дома маленькага марскога коціка, які адразу ж перапужаўся і адпоўз ад жанчыны ў вольны пакой.
Хутчэй за ўсё, жывёла прабралася ў дом праз дзверцы для катоў, а потым яшчэ і сустрэла ўнутры кошку сям’і Рос — Како. Гаспадары лічаць, што коцік трапіў у дом менавіта ў спробе дагнаць Како.
Джэн разбудзіла дзяцей, каб яны пазнаёміліся з новым гадаванцам, а потым пачала спрабаваць яго злавіць. Ёй спатрэбілася прыкладна гадзіна, каб выманіць коціка ў сад, і ўжо адтуль спецыялісты адвезлі яго назад у мора. Увесь гэты час жывёла правяла ў асобным пакоі, дзе паспела пратэсціраваць канапу гаспадароў.
Сям’я Росаў назвала марскога коціка Оскарам. Па іх словах, жывёла аказалася ветлівым госцем і нават нідзе ў доме не справіла патрэбу. Адзіны, хто быў незадаволены знаёмствам з Оскарам — гэта кошка Како: яна так перапужалася, што нейкі час баялася ісці на першы паверх дома.
Сабака штоночы прыходзіў да немаўляці для таго каб упэўніцца, што з ім усё добра. Гэтае ВІДЭА стала вірусным
Мілата тыдня: Беларусы выратавалі ваверчаня, якое выпала з дупла і якое ледзь не задзяўблі вароны ФОТА
У Белым доме з'явілася кошка — яна «вядзе» твітар пра свае прыгоды ФОТА
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары
мне зараз асабліва смешна ад вашай "рацыі"
ах, вы ж такі красівы (у сваім люстэрку) і у вас жа тут лайкі )