Былы дыпламат асудзіў уручэнне паслом Швейцарыі даверчых грамат Лукашэнку: Старая добрая рэальная палітыка
Сёння пасол Швейцарыі Крысцін Хонэгер-Залатухін уручыла даверчыя граматы Аляксандру Лукашэнку. Экс-супрацоўнік беларускага МЗС Павел Слюнькін апублікаваў з гэтай нагоды пост.
Слюнькін зазначыў, што уручэнне грамат адбылося, «нягледзячы на нелегітымнасць Лукашэнкі, саўдзел у вайне супраць Украіны і больш за 1300 палітычных зняволеных».
«Старая добрая рэальная палітыка», — напісаў ён.
Пасол Швейцарыі Крысцін Хонэгер-Залатухін прыняла актыўны ўдзел у вызваленні грамадзянкі Швейцарыі Наталлі Хершэ і асабіста праводзіла яе ў аэрапорце.
Наталлю Хершэ затрымалі 19 верасня 2020 года, яна сарвала балаклаву з амапаўца, які затрымліваў жанчын на маршы за свабодныя выбары. Пазней яе асудзілі да 2,5 года калоніі. Яна правяла за кратамі 17 месяцаў. Ëй заставалася адбыць яшчэ 13 месяцаў зняволення.
Яшчэ ў лютым Крысцін Хонэгер-Залатухін уручыла Уладзіміру Макею копіі даверчых грамат. Швейцарскае МЗС каментавала, што не лічыць гэты жэст прызнаннем легітымнасці Лукашэнкі.
Раней амбасадары еўрапейскіх краін адмаўляліся ўручаць даверчыя граматы Лукашэнку, дэманструючы тым самым непрызнанне вынікаў выбараў 2020 года.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары