У выніку ўдару па гуманітарнай калоне ў Запарожжы загінулі 30 чалавек, параненыя 88
У выніку расійскага ракетнага ўдару па цывільнай гуманітарнай аўтакалоне на выездзе з Запарожжа загінулі 30 чалавек і 88 параненыя. Пра гэта паведаміў кіраўнік Запарожскай вобласці Ігар Кліменка.
«Сярод загінулых ёсць двое дзяцей: 11-гадовая дзяўчынка і 14-гадовы хлопчык. Раненне атрымала таксама 3-гадовая дзяўчынка», — паведаміў Кліменка.
Паводле яго звестак, таксама ёсць страты і сярод паліцэйскіх. У прыватнасці, загінуў 36-гадовы работнік мясцовага ўпраўлення стратэгічных расследаванняў, яшчэ 27 паліцэйскіх Бярдзянскага райупраўлення атрымалі раненні, 4 з іх — у цяжкім стане.
«Цяпер вядома, што расіяне білі па людзях мадэрнізаванымі ракетамі С-300. Варонкі ад гэтых мадыфікаваных ракет не такія глыбокія, але радыус выбухной хвалі нашмат большы», — паведаміў Кліменка.
Нагадаем, 30 верасня каля 07:00 расійскія войскі нанеслі ракетныя ўдары па Запарожжы. Яны выпусцілі 16 ракет, чатыры з якіх трапілі ў раён аўтарынка і па цывільнай гуманітарнай калоне на выездзе з горада на часова акупаваную тэрыторыю. Людзі, якія стаялі ў чарзе, планавалі забраць сваіх сваякоў або адвезці ім гуманітарную дапамогу.
Чытайце таксама:
У Запарожжы пад абстрэл трапіла гуманітарная калона. Па даных украінскіх уладаў, загінулі 23 чалавекі
Раніцай Расія нанесла ракетны ўдар па Запарожжы
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам28
Каментары