Экстрэмісцкімі матэрыяламі прызналі розныя сувеніры з міжнародных пасылак
Суд Кастрычніцкага раёна Мінска прызнаў экстрэмісцкімі матэрыяламі сувеніры, майкі, друкаваную прадукцыю, якія перасылаліся ў міжнародных паштовых адпраўленнях. Іх пералік з'явіўся ў рэспубліканскім спісе так званых экстрэмісцкіх матэрыялаў.
Напрыклад, цяпер у спісе экстрымісцкіх матэрыялаў значыцца паштоўка з выявай слімака з дзяўчынкай на спіне, на паштоўцы надпіс — «Там жыццё рай, дзе свабоды край»;
нашыўкі з «выявай палос бела-чырвона-белага колеру»;
каляндар, які змяшчае надпіс «Не маўчы па-беларуску»;
бранзалеты з «выявамі палос бела-чырвона-белага колеру і надпісам «ЖЫВЕ БЕЛАРУСЬ!»;
налепка, якая «змяшчае выяву палос бела-чырвона-белага колеру»;
налепка, якая «змяшчае малюнак вершніка на чырвоным фоне на кані з мячом і шчытом у руках»;
«адрэз тканіны, якая змяшчае выяву палос бела-чырвона-белага колеру і вершніка на кані з мячом і шчытом у руках у цэнтры паласы чырвонага колеру»;
світшот чорнага колеру, які змяшчае выяву чырвонага герба з шэрым катом у кароне, ля лап якога ляжыць меч і шчыт з крыжам і надпіс «Кусь за Беларусь»;
«выраб, які змяшчае выяву вершніка на кані з мячом і шчытом у руках на фоне чырвонага шчыта і надпіс «Хопіць піць — трэба жыць!»;
«часопісы з коміксамі «Казкі-Краскі» і шмат што іншага.
Верагодна, гаворка ідзе пра рэчы, вынятыя з міжнародных пасылак.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары
https://nashaniva.com/300395
Дурь и деградация власти одинакова, как в Африке, России, так и в Беларуси.