З Новага года ўцекачы з Украіны, якія карыстаюцца пунктамі калектыўнага пражывання ў Польшчы, павінны будуць удзельнічаць у выдатках на пражыванне, а праз некалькі месяцаў аплачваць яго цалкам. Пра гэта паведамляе выданне Rzeczpospolita.
Усяго ў такіх пунктах спыняліся 386 тысяч украінцаў, цяпер у іх жывуць больш за 85 тысяч. 93% уцекачоў — жанчыны і дзеці. Польскі ўрад тлумачыць, што у дзяржавы заканчваюцца сродкі на іх утрыманне.
Пражыванне, харчаванне, транспарт і выплаты па 40 злотых у дзень на аднаго чалавека ўжо абышлося дзяржаве ў 4,1 млрд злотых. На розныя дапамогі, напрыклад, па 500 злотых у месяц на дзіця, выдаткавана яшчэ 1,4 млрд злотых. Усяго, такім чынам, польская дзяржава на дапамогу ўкраінскім уцекачам выдаткавала 5,5 млрд злотых (каля 1,1 млрд еўра).
Акрамя таго, сусветныя даследаванні сведчаць, што аптымальная дапамога бежанцам павінна доўжыцца да аднаго года. Больш працяглая дапамога перашкаджае людзям вярнуцца да працы і самастойнага жыцця.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка4
Каментары