Больш за 100 мабілізаваных з Чувашыі зладзілі бунт у навучальным цэнтры
У навучальным цэнтры ва Ульянаўску пачаўся масавы пратэст мабілізаваных жыхароў Чувашыі, якім не выплацілі 195 тысяч расійскіх рублёў (каля 8 тысяч беларускіх).
Зварот «да грамадзян Расіі» апублікавала «Сярдзітая Чувашыя».
«Мы, рызыкуючы ўласным жыццём, ідзем на верную смерць для вашай бяспекі і мірнага жыцця! Наша дзяржава адмаўляецца выплаціць нам грашовыя сродкі ў памеры 195 тысяч рублёў, якія нам абяцаў Уладзімір Пуцін! Дзеля чаго тады нам ісці ваяваць за гэтую дзяржаву, пакінуўшы свае сем'і без падтрымкі?!»,— заявілі вайскоўцы.
Паводле заявы мабілізаваных, яны адмаўляюцца ад удзелу ў вайне і «будуць дамагацца справядлівасці», пакуль ім не выплацяць абяцаныя сумы.
У навучальны цэнтр ва Ульянаўску сцягваюцца АМАП і Расгвардыя для падаўлення бунту.
На відэа, апублікаваным у тэлеграме, вайскоўцы выказваюць прэтэнзіі і заяўляюць, што іх падманулі з выплатамі. Акрамя таго, яны спрабуюць высветліць, дзе знаходзіцца іх камандзір палка.
Адзін з пратэстоўцаў заявіў, што прыехаў у родны горад з Масквы, каб удзельнічаць у вайне.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс2
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары