Міністр абароны Вялікабрытаніі: Расія пацярпела «стратэгічную паразу»
Міністр абароны Вялікабрытаніі Бэн Уолес назваў «стратэгічнай паразай» адыход расійскага войска з Херсона і з правага берага ракі Дняпро. Паводле яго ацэнкі, узяцце Херсона было адзінай стратэгічнай мэтай, якую расійская армія змагла дасягнуць у самым пачатку вайны.
«Цяпер, калі яго [горад] здаюць, простыя людзі ў Расіі павінны, верагодна, задаць сабе пытанне: «Навошта ўсё гэта было?» У выніку незаконнага ўварвання расійская армія панесла вялікія страты ў жывой сіле, а дамаглася толькі міжнароднай ізаляцыі і прыніжэння», — сказаў міністр абароны.
Па словах Бэна Уолеса, Украіна працягне наступаць, а Вялікабрытанія і міжнародная супольнасць працягнуць падтрымліваць яе.
«Хоць адступленне і радуе, нельга недаацэньваць пагрозу, якая працягвае зыходзіць ад Расійскай Федэрацыі», — гаворыцца ў каментары міністра абароны Злучанага Каралеўства.
-
Данія можа адказаць амерыканцам за Грэнландыю асіметрычным ударам. І гэта будзе адчувальна для эліт
-
НАТА афіцыйна прызнала спробу Крамля ліквідаваць кіраўніка аднаго з найбуйнейшых еўрапейскіх вытворцаў зброі
-
«Многія глядзяць беларускія каналы». Цікавы расповед пра Прыдруйск — вёску ў Латвіі насупраць Друі
Трагедыя ў Докшыцах: скончыла жыццё самагубствам 15-гадовая вясковая выдатніца2
Каментары