Аляксандр Лукашэнка падпісаў указ № 411, які зацвярджае найважнейшыя параметры прагнозу сацыяльна-эканамічнага развіцця краіны на 2023 год. Пра гэта паведаміла прэс-служба палітыка.
Паводле прагнозу, ВУП запланаваны ў памеры 103,8% да ўзроўню 2022 года. Рэальныя наяўныя грашовыя даходы насельніцтва павінны скласці 104,1%, а інвестыцыі ў асноўны капітал — 122,3%. Для экспарту тавараў і паслуг гэты паказчык чакаюць на ўзроўні 105,5%.
Галоўнай крыніцай росту эканомікі павінна пры гэтым стаць нарошчванне інвестыцый у асноўны капітал. Інвеставаць плануюць па трох асноўных кірунках: у будаўніцтва жылля і інфраструктуру (7,7 млрд рублёў), стварэнне і развіццё інфраструктуры ў рэгіёнах (7,9 млрд), а таксама ў інвестпраекты і тэхнічнае перааснашчэнне (31,2 млрд).
Што тычыцца экспарту, то ён запланаваны ў памеры 47,7 млрд даляраў пры тэмпах росту 105,5%. Аб'ём паставак у Расію плануюць павялічыць на 6,5%, у Кітай — на 15%, у краіны Афрыкі — на 10%.
Па прагнозах, станоўчае сальда знешняга гандлю па выніках года павінна скласці $1,6 млрд. Для намінальнай налічанай сярэднямесячнай зарплаты прагноз усталявалі на ўзроўні 1938 рублёў, для бюджэтнікаў — 1454.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары