Ва Украіне плануюць забараніць дзейнасць рэлігійных арганізацый, звязаных з Расіяй
Рада нацыянальнай бяспекі і абароны (РНБА) Украіны даручыла, каб урад унёс на разгляд Вярхоўнай Рады законапраект «аб немагчымасці дзейнасці ў Украіне рэлігійных арганізацый, афіляваных з цэнтрамі ўплыву ў РФ».
Пра гэта прэзідэнт Украіны Уладзімір Зяленскі паведаміў у відэазвароце ўвечары 1 снежня.
Паводле яго слоў, РНБА даручыла дзяржаўнай службе па этнапалітыцы і свабодзе сумлення правесці рэлігіязнаўчую экспертызу статута аб кіраванні Украінскай праваслаўнай царквой (УПЦ) «на наяўнасць царкоўна-кананічнай сувязі з Маскоўскім патрыярхатам».
Таксама Рада бяспекі даручыла праверыць, наколькі законна рэлігійныя арганізацыі выкарыстоўваюць маёмасць, што знаходзіцца на тэрыторыі Кіева-Пячэрскай лаўры.
У апошнія дні Служба бяспекі Украіны праводзіць вобшукі ў манастырах УПЦ МП па ўсёй Украіне.
Цяпер чытаюць
«Кайлас, я іду». Што за беларуска знікла ў жудасным селі ў Непале6
Каментары