У выніку ракетнага ўдару па жылым доме ў Дняпры 14 студзеня разбурана больш за 200 кватэр, паведаміў намеснік кіраўніка Офіса прэзідэнта Украіны Кірыла Цімашэнка на брыфінгу.
«Адселены практычна ўвесь дом. Цяпер і горад, і вобласць падрыхтавалі шмат месцаў для часовага размяшчэння ўсіх сем'яў. Будзе рашэнне гарадской і абласной улады па матэрыяльнай дапамозе ўсім сем'ям загінулых, і ўсім, хто страціў сваё жыллё, і тым, чыё жыллё пацярпела. Мы разумеем, што больш за 200 кватэр фактычна разбураныя, і наша самая галоўная задача — рассяліць усіх людзей і дапамагчы ў аднаўленні гэтага дома», — сказаў Цімашэнка.
«Разбор завалаў будзе працягвацца датуль, пакуль не будуць знойдзеныя целы ўсіх загінулых, а гэта можа заняць не адзін дзень», — дадаў ён.
Днём 14 студзеня падчас чарговага масіраванага абстрэлу Расіяй Украіны адна з ракет трапіла ў дзевяціпавярховы жылы дом у Дняпры, цалкам абрынуўшы адзін з яго сегментаў. 40 чалавек загінулі. Траўмы атрымалі 77 жыхароў, сярод якіх 14 дзяцей. 25 чалавек шукаюць пад заваламі.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары