«Паўстанне 1863—1864: урок для нашчадкаў». Беларускі моладзевы хаб запрашае на «каву з гісторыкам»
25 студзеня, у чацвер, Беларускі моладзевы хаб у Варшаве запрашае на чарговую «каву з гісторыкам». Гэтым разам Васіль Герасімчык раскажа пра тое, што ведае пра паўстанне 1863—1864 гадоў. І гаворка будзе не толькі пра Кастуся Каліноўскага.
Паўстанне 1863—1864 гадоў нарадзіла пакаленне, якое спрычынілася да ўзнікнення мадэрнай Беларусі. І тут гаворка не толькі пра Кастуся Каліноўскага і Францішка Багушэвіча. Але што папярэднічала і што сабою ўяўляла паўстанне? Якія яго прычыны, асноўныя падзеі і хто яго героі? А таксама ў чым падабенства падзеяў 160-гадовай даўніны з тым, што мы перажываем сёння?
Сустрэча адбудзецца ў чацвер, 26 студзеня, у 18:30 па адрасе: Варшава, плошча Канстытуцыі, 6 (pl. Konstytucjі 6).
А для тых, хто не зможа далучыцца да імпрэзы непасрэдна ў Беларускім моладзевым хабе, будзе ладзіцца трансляцыя на Youtube.
Каментары