Раман «Нельга забыць» Уладзіміра Караткевіча выйшаў у фармаце аўдыякнігі
Выйшаў раман Уладзіміра Караткевіча «Нельга забыць» у фармаце аўдыякнігі ў агучванні Леаніда Дзеркача — паведамляюць audiobooks.by.
Адзін з ранніх раманаў класіка беларускай літаратуры быў скончаны ў 1962 годзе і меўся выйсці асобным выданнем у 1982. Але здараецца абсурдная неспадзяванка: памірае першы сакратар кампартыі Леанід Брэжнеў, і кніга пад назвай «Леаніды не вернуцца на Зямлю» падаецца цэнзарам крамольнай. Менавіта таму савецкаму чытачу раман быў вядомы выключна як «Нельга забыць» — назва, прыдуманая ў апошні момант, каб абысці цэнзуру.
…Праўнук беларуса Усяслава Грынкевіча, удзельніка паўстання 1863 года, сустрэў Ірыну Гораву, праўнучку рускага афіцэра Юрыя Горава, і пакахаў яе. Пакручастыя сцяжынкі Кліё зводзяць чарговы раз нашчадкаў лютых ворагаў, якія змагаліся не на жыццё, але на смерць. Каханне нашчадкаў захіляе нянавісць мінуўшчыны і дае надзею на лепшую будучыню.
Паслухаць аўдыякнігу можна тут.
-
Выйшаў дапоўнены раман Алеся Пашкевіча пра Дубоўку
-
«Трэба крычаць, што мы ёсць, мы былі і працягваем існаваць». Тэатральны крытык Настасся Панкратава — пра сваю кнігу і беларускі тэатр да і пасля 2020 года
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
Хто з палітвязняў выйшаў на свабоду 16 верасня ПОЎНЫ СПІС23
Каментары