Маладога слесара з Гомеля адправілі ў калонію за відэа з расійскай тэхнікай
26-гадовага слесара з Гомеля Арцёма Бабкова абвінавацілі ў «садзейнічанні экстрэмісцкай дзейнасці» (ч. 1 арт. 361-4 Крымінальнага кодэкса). Прысуд яму вынеслі яшчэ 23 лістапада мінула года, але вынікі сталі вядомыя толькі цяпер. Суд праходзіў у закрытым рэжыме, піша «Вясна».
Справу разглядаў суддзя Гомельскага абласнога суда Мікалай Доля.
Да суда Бабкоў знаходзіўся на волі, пад паручальніцтвам.
Па матэрыялах абвінавачання, Бабкоў у лютым 2022 года размясціў у сацыяльных сетках публікацыю з відэазапісам перамяшчэння тэхнікі ваенізаваных расійскіх падраздзяленняў, якія перасоўваліся па тэрыторыі Беларусі, з указаннем іх месцазнаходжання.
Затым з дапамогай мабільнага тэлефона разаслаў яго ў тэлеграм-каналы, у тым ліку ў прызнаныя судом «экстрэмісцкімі фармаваннямі».
Бабкову далі два гады калоніі ва ўмовах агульнага рэжыму.
Хлопца ўзялі пад варту ў зале суда.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары