У сталіцы ўжо перахварэлі на грып больш за 100 тыс. месцічаў.
Пра гэта ў пятніцу паведаміў падчас онлайн-канферэнцыі на сайце Белтэлерадыёкампаніі старшыня камітэта па ахове здароўя Мінгарвыканкама Дзмітры Піневіч.
Ён таксама таксама нагадаў, што ад пятніцы ў сталіцы абвешчана аб правядзенні супрацьэпідэмічных захадаў у поўным аб’ёме.
Адна з такіх мер – працяг школьных канікул да 11 лістапада ўключна.
Нагадаем, што заняткі мусілі аднавіцца 2 лістапада, але з прычыны росту захворванняў на грып і ВРВІ яны спачатку былі падоўжаныя да 9 лістапада.
Піневіч таксама паведаміў, што ўсяго з пачатку рэгістрацыі эпідэмічнага ўздыму перахварэлі больш за 100 тыс. мінчан, прычым за апошнія тры дні захварэлі 48 тыс.
Зімой 2009 года, калі ў сталіцы былі абвешчаныя супрацьэпідэмічныя мерапрыемствы, школьныя канікулы не падаўжаліся, а школы не зачыняліся.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай1
Каментары