Прызналі «экстрэмісцкімі» ўсе матэрыялы слуцкай газеты «Інфа-Кур'ер»
Усе публікацыі слуцкай газеты «Інфа-Кур'ер», а таксама яе старонкі ў сацсетках прызналі «экстрэмісцкімі матэрыяламі». Такое рашэнне прыняў суд Партызанскага раёна Мінска 5 красавіка, паведамляе Reform.by.
![Алег Рубчэня і Сяргей Станкевіч](http://nashaniva.com/img/w732d4webp1/photos/z_2023_03/r-t1yk0.jpg.webp)
Журналіст Алег Рубчэня і галоўны рэдактар «Інфа-Кур'ера» Сяргей Станкевіч
Раней экстрэмісцкімі матэрыяламі былі прызнаныя толькі шэсць артыкулаў газеты пра падзеі 2020 года.
15 сакавіка ў рэдакцыі газеты прайшоў ператрус. Галоўны рэдактар выдання Сяргей Станкевіч і яго намеснік Алег Рубчэня былі затрыманыя. Ім прысудзілі па 15 сутак адміністрацыйнага арышту.
Пасля іх выхаду на волю «Інфа-Кур'ер» паведаміў пра закрыццё свайго тэлеграм-канала.
Каментары