Украіна вырашыла забараніць сваім спартсменам удзельнічаць у спаборніцтвах разам з беларусамі і расіянамі
Украіна вырашыла забараніць сваім спартсменам удзельнічаць у спаборніцтвах, да якіх дапушчаныя беларусы і расіяне. Адпаведнае рашэнне падрыхтавала Міністэрства моладзі і спорту. Указ у сябе ў тэлеграм-канале апублікаваў народны дэпутат Жан Белянюк.
У дакуменце гаворыцца пра тое, што ўсім спартыўным федэрацыям рэкамендуецца весці маніторынг будучых спаборніцтваў і даведвацца, ці ўдзельнічаюць у іх атлеты з Беларусі і Расіі. Калі такі факт выяўляецца, то прадпісваецца паведамляць пра гэта ў Мінмоладзі і спорту.
Тады ўкраінскіх спартоўцаў і прадстаўнікоў афіцыйных дэлегацый будуць адклікаць і вяртаць іх альбо на тэрыторыю Украіны, альбо ў тое месца, дзе яны знаходзіліся перад адпраўкай на спаборніцтвы.
Раней выканкам МАК зацвердзіў рэкамендацыі наконт таго, што спартсмены з Беларусі і Расіі могуць удзельнічаць у міжнародных спаборніцтвах толькі ў нейтральным статусе. Паведамлялася, што спартоўцы, якія маюць кантракты з расійскімі ці беларускімі вайсковымі ведамствамі або спецслужбамі, не дапускаюцца да спаборніцтваў.
Скандал у «Еўраопце». 96‑гадоваму дзядулю не дазволілі прысесці на крэсла каля касы18
Каментары
Калі у " офісе" шефірыі іньшыя падалякі ні падзяляюць беларусау Беларусь...мы разумеем чаму.Ні варта як ганапольскі і на" прямым " і на єхе сябе паводзіць..