У Расіі пасля праверкі боегатоўнасці знялі камандуючага Ціхаакіянскім флотам
Адмірал Сяргей Авакянц пакінуў пасаду камандуючага Ціхаакіянскім флотам. Аб яго прызначэнні на новую пасаду паведаміў пастаянны прадстаўнік Пуціна ў Далёкаўсходняй федэральнай акрузе Юрый Трутнеў.
Па словах Трутнева, адмірал прызначаны на пасаду кіраўніка штаба, які курыруе цэнтры ваенна-спартыўнай падрыхтоўкі і патрыятычнага выхавання.
«Гэтую цэнтральную структуру, па сутнасці справы, штаб па выкананні задачы, пастаўленай прэзідэнтам, узначаліць адмірал Авакянц, які да нядаўняга часу камандаваў Ціхаакіянскім флотам», — заявіў Трутнеў на нарадзе, відэа з якой паказалі ў тэлеграм-канале паўнамоцнага прадстаўніка.
У Ціхаакіянскім флоце РФ не каментавалі адстаўку.
Сяргей Авакянц камандаваў Ціхаакіянскім флотам РФ з 2012 года. Пра яго адстаўку стала вядома менш чым праз тыдзень пасля таго, як флот 14 красавіка прывялі ў поўную баявую гатоўнасць у «рамках раптоўнай праверкі».
Марскія пехацінцы 155-й брыгады Ціхаакіянскага флоту РФ, адпраўленыя ва Украіну, восенню 2022 года казалі, што нясуць вялікія страты. Па іх словах, брыгада страціла каля 300 чалавек за чатыры дні. У Мінабароны РФ заявілі, што страты брыгады больш чым за 10 дзён не перавысілі 1% баявога складу. Пазней адзін з марпехаў паведаміў, што камандаванне вырашыла вывесці брыгаду з зоны баявых дзеянняў, але тых, хто «абураўся, пісаў ліст або адмаўляўся штурмаваць», вырашылі пакінуць на пазіцыях, паведамляе Meduza.io.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома25
Каментары