Як стала вядома MAYDAY TEAM, кіраўніком Наваполацкай папраўчай калоніі №1 стаў Машадзіеў Руслан Хікметавіч. Раней ён працаваў намеснікам начальніка папраўчай установы.
З сакавіка месяца, пасля скандалу з ужо экс-начальнікам ПК-1 Андрэем Пальчыкам, які, па сведчаннях, асабіста катаваў зняволеных і «праславіў» калонію надзвычай жорсткім абыходжаннем з імі, часова выконваючым абавязкі начальніка стаў Вячаслаў Журко.
Аднак яго не зацвердзілі на пасадзе і, паводле інфармацыі MAYDAY TEAM, начальнікам вырашылі зрабіць іншага намесніка — Руслана Машадзіева. Вядома, што Машадзіеў працаваў у спецаддзеле ўстановы яшчэ з часоў ЛПП.
Наваполацкая калонія размешчаная ў старых бараках будаўнікоў заводаў «Нафтан» і «Палімір». Пасля заканчэння будаўніцтва там зрабілі папраўчую калонію, якую ў 2014 годзе перапрафілявалі пад ЛПП №8, з таго часу Руслан Машадзіеў і працуе ва ўстанове. Праз тры гады ЛПП зноў ператварылі ў калонію агульнага і ўзмоцненага рэжымаў і прысвоілі ёй №1 пасля ліквідацыі Мінскай ПК-1.
Нядаўна калонія зноў выбухнула ў навінах — экс-прэтэндэнт на прэзідэнцкую пасаду Віктар Бабарыка, які адбывае там тэрмін, трапіў у шпіталь. Яго месцазнаходжанне і стан здароўя да цяперашняга часу невядомыя.
Былы палітвязень з наваполацкай калоніі расказаў, якога кампрамісу патрабавалі ад Бабарыкі
Былы турэмны лекар тлумачыць, чаму мог здарыцца пнеўматоракс і пра што кажа той факт, што Бабарыку не пакінулі ў шпіталі калоніі
Блогер Кабанаў, які сядзеў у наваполацкай калоніі, пра тое, чаму вязні не вытрымліваюць умоў там
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?5
Каментары