Беларускіх цяжкаатлетаў дапусцілі да спаборніцтваў. Але выключна ў форме аднаго колеру
Беларускія і расійскія спартсмены, якія атрымалі нейтральны статус ад Міжнароднай федэрацыі цяжкай атлетыкі (IWF), павінны выступаць на спаборніцтвах выключна ў аднатоннай шэрай форме. Пра гэта гаворыцца ў рэгламенце ўдзелу расійскіх і беларускіх спартсменаў у спаборніцтвах пад эгідай IWF, піша ТАСС.
«Спартсмены і дапаможны персанал спартсменаў павінны насіць нейтральную ўніформу і адзенне, якое павінна быць аднатонным, шэрага колеру (без малюнкаў). На ім не павінна быць ніякіх надпісаў, у тым ліку любых абрэвіятур, якія адносяцца да Расіі ці Беларусі, і/або якіх-небудзь нацыянальных эмблем, сімвалаў або лагатыпаў, а таксама якіх-небудзь пазначэнняў або малюнкаў, якія могуць быць успрынятыя як такія, што адносяцца да адпаведнай краіны або нацыянальнай федэрацыі, а таксама якіх-небудзь надпісаў, знакаў або маркіровак, якія можна разумець як адсылку да вайны і яе падтрымку», — гаворыцца ў рэгламенце.
Выканкам Міжнароднай федэрацыі цяжкай атлетыкі 12 мая прыняў рашэнне дапусціць да ўдзелу ў турнірах пад сваёй эгідай расіян і беларусаў, якія атрымалі нейтральны статус.
Калі Канапацкая стала падкантрольная Лукашэнку? Расказваюць яе сябры8
Каментары