Новы набор на атрыманне еўрапейскіх стыпендый для беларускіх абітурыентаў і студэнтаў
Еўрапейскі саюз абвяшчае конкурс заявак на стыпендыі EU4Belarus — SALT-2 (Support for Advanced Learning and Training) на 2023—2025 гады.
Мэта праграмы — падтрымаць беларускіх абітурыентаў і абітурыентак, студэнтаў і студэнтак, выкладчыкаў і выкладчыц, а таксама навукоўцаў, якія зазналі рэпрэсіі пасля падзей 2020 года альбо знаходзяцца пад пагрозаю рэпрэсій.
Падаць заяўку на стыпендыю можна, калі вы вучыцеся ці плануеце паступаць на праграмы бакалаўрыята або магістратуры ва ўніверсітэты Літвы, Латвіі, Чэхіі ці Польшчы.
Ухваленая заяўка дае права на атрыманне стыпендыі 450 еўра на месяц пры тэрміне падтрымкі два акадэмічныя гады.
Каб узяць удзел у конкурсе, трэба не пазней за 12:00 30 чэрвеня запоўніць анкету і прыкласці неабходныя дакументы на сайце праграмы. Заяўкі ўжо можна дасылаць.
Іх разгледзіць адборачная камісія з прадстаўнікоў Central Project Management Agency, арганізацый грамадзянскай супольнасці, прадстаўнікоў прадэмакратычнага руху Беларусі і знешніх незалежных экспертаў.
Кандыдатак і кандыдатаў, чые заяўкі паспяхова пройдуць конкурс, не пазней за 15 ліпеня запросяць на матывацыйнае інтэрв'ю.
12 чэрвеня ў 16:00 (GMT+3, Мінск) адбудзецца семінар па правілах падачы заявак. Рэгістрацыя па спасылцы.
Даведацца падрабязнасці і падаць заяўку можна на сайце праграмы.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары