Свет

Памерла актрыса і палітык Гленда Джэксан. Яна люта ненавідзела Маргарэт Тэтчэр

Брытанская актрыса і палітык Гленда Джэксан памерла на 88-м годзе жыцця пасля непрацяглай хваробы. Пра гэта паведаміў яе агент Лайнэл Ларнер, як піша Бі-бі-сі.

Гленда Джэксан. Фота Evan Agostini / AP

Джэксан стала міжнароднай зоркай у 1970-х, калі атрымала «Оскар» за фільмы «Закаханыя жанчыны» і «З шыкам». Яшчэ два разы яна намінавалася на «Оскар», а таксама атрымала прэміі BAFTA і « Залаты глобус» за тыя ж фільмы.

Большасць фільмаў і пастановак у яе кар'еры прыйшліся на перыяд да 1992 года, калі яна пакінула сцэну і з галавой нырнула ў палітыку.

Джэксан выбралася ў парламент ад Партыі лейбарыстаў, дзе заўсёды заставалася ў традыцыйным левым крыле партыі. Паводле яе слоў, яна была гатовая «рабіць усё, што легальна, «для процідзеяння палітыцы Тэтчэр», якая, на яе думку, знішчала Брытанію.

З Маргарэт Тэтчэр звязаны і самы спрэчны момант у яе палітычнай кар'еры. У красавіку 2013 года парламент сабраўся, каб ушанаваць памяць былой прэм'ер-міністаркі, якая памерла незадоўга да гэтага.

Але Джэксан не бачыла прычын стрымліваць эмоцыі і вельмі жорстка выказалася на адрас Тэтчэр, якая, на яе думку, «нанесла краіне жахлівую сацыяльную, эканамічную і духоўную шкоду».

Кансерватыўныя сябры парламента былі раз'юшаныя, калі спікер адмовіўся выключыць яе выказванні з рэгламенту. Адзін палітычны каментатар абвінаваціў левых лейбарыстаў у «дробязнасці», «дзяцінстве» і «самадурстве» ў сваіх невысакародных нападках на памяць Жалезнай лэдзі.

У 1997 годзе Джэксан увайшла ва ўрад Тоні Блэра, дзе стала ценявой міністаркай транспарту. Праз два гады няўдала спрабавала выбрацца мэрам Лондана і пагражала выставіць сваю кандыдатуру супраць Блэра на выбарах лідара партыі, але і тут поспеху не дамаглася.

Джэксан пакінула палітыку ў 2015-м, а ў наступным годзе вярнулася на сцэну пасля 25-гадовага перапынку. 80-гадовая актрыса сыграла ў «Каралі Ліры» ў пастаноўцы Дэбары Уорнер.

Каментары

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Усе навіны →
Усе навіны

Пад Масквой разбіўся пасажырскі самалёт Sukhoi Superjet-1008

Мінулая ноч у Мінску была «агурковай». Гэта як?2

Джэніфер Лопес і Бэн Афлек выставілі на продаж шыкоўны асабняк у Беверлі-Хілз ФОТЫ1

Вядомы беларускі арбітр апынуўся за кратамі за стварэнне «экстрэмісцкага» чата1

Расіянін сярод белага дня зладзіў дрыфт на праспекце Пераможцаў. ДАІ яго знайшла і прымусіла выбачацца2

«Фактар ​​Свіфт». Амерыканская грамадскасць чакае заявы Тэйлар Свіфт наконт Байдэна4

YouTube у Расіі могуць заблакаваць у верасні, пішуць СМІ. У Крамлі называюць гэта няпраўдай4

У цэнтры Мінска грузавік захрас пад мостам — кіроўца не ацаніў вышыні грузу1

Белгідрамет упершыню сёлета абвясціў максімальны чырвоны ўзровень небяспекі

больш чытаных навін
больш лайканых навін

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Галоўнае
Усе навіны →