Колькасць расійскіх турыстаў, якія са студзеня па май наведалі Беларусь, вырасла на 173% у параўнанні з аналагічным паказчыкам мінулага года. Пра гэта паведаміла дырэктарка Дэпартамента турызму Міністэрства спорту і турызму Беларусі Ірына Варановіч, сустракаючыся ў Мінску з дэлегацыяй расійскай Наўгародскай вобласці.
Чыноўніца таксама паведаміла, што цяпер напаўняльнасць беларускіх санаторыяў складае 91%.
«Калі казаць пра грамадзян Расійскай Федэрацыі, то 5 000 чалавек сёння знаходзяцца ў нашых санаторыях», — адзначыла Варановіч.
Акрамя санаторна-курортнага лячэння, расіян таксама, маўляў, цікавіць аграэкатурызм.
У красавіку ў расійскім пасольстве ў Мінску паведамлялі, што колькасць турыстаў з Расіі ў гасцініцах Беларусі ў 2022 годзе павялічылася на 170% у параўнанні з папярэднім годам. Усяго ў беларускіх гасцініцах летась было зарэгістравана 540 тысяч турыстаў з Расіі, тады як годам раней — 200 тысяч.
Каментары