Зяленскі прыехаў на востраў Змяіны ў 500-ы дзень поўнамаштабнай вайны
Прэзідэнт Украіны наведаў месца, якое стала сімвалам гераізму і змагання ўкраінцаў у першыя дні вайны.
.
«500 дзён поўнамаштабнай вайны. Змяіны. Свабодны Востраў свабоднай Украіны.
Удзячны ўсім, хто змагаўся тут супраць акупантаў. Ушанавалі памяць герояў, якія аддалі сваё жыццё ў гэтай бітве — адной з самых важных за час поўнамаштабнай вайны.
Слава кожнаму і кожнай, хто ваюе дзеля бяспекі ў нашым Чорным моры!» — напісаў Уладзімір Зяленскі ў сваім тэлеграм-канале.
«Самая цёмная ноч заўсёды перад світаннем. Гэты світанак на Змяіным быў натхняльным. Востраў Перамогі, які наведалі разам з прэзідэнтам і камандай. Перамогі ўкраінскага народа над расійскай ардой. 500 дзён… 9 гадоў вайны…
Мы ўсе вернем. І будзем сустракаць украінскія світанкі. Найлепшыя світанкі на гэтай зямлі. Слава нашаму народу», — дадаў потым у сваім тэлеграме кіраўнік Офіса прэзідэнта Андрэй Ярмак.
Востраў Змяіны быў захоплены расійскімі сіламі неўзабаве пасля пачатку ўварвання. Ён стаў месцам нараджэння мема пра «расійскі вайсковы карабель», калі ўкраінскі вайсковец у нецэнзурнай форме адмовіўся здавацца расейцам. Расійскія сілы занялі востраў. У канцы чэрвеня 2022 года расейцы пакінулі Змяіны.
Цяпер чытаюць
Іпэшнік у Мінску пісаў ананімкі на канкурэнтаў, у тым ліку і палітычныя. Зафіксавана 18 эпізодаў2
Каментары