«Мы разглядаем гэтае пытанне». Міжнародны камітэт Чырвонага Крыжа выказаўся пра Z-візіт генсака беларускай арганізацыі на Данбас
Афіцыйны прадстаўнік Міжнароднага камітэта Чырвонага Крыжа заявіў, што арганізацыя не мае дачынення да скандальнага візіту генеральнага сакратара Беларускага таварыства Чырвонага Крыжа Дзмітрыя Шаўцова ў «ДНР», як піша «Еўрарадыё».
«У цяперашні час мы разглядаем гэтае пытанне. Вельмі важна, каб усе сябры руху Чырвонага Крыжа і Чырвонага Паўмесяца захоўвалі сваю незалежнасць ад урадаў і носьбітаў зброі.
Гэта дазваляе нам дапамагаць бесстаронна, аддаючы прыярытэт людзям, якія найбольш маюць у гэтым патрэбу, дзе б яны ні знаходзіліся, на якім бы баку лініі фронту яны ні былі», — сказаў афіцыйны прадстаўнік, фактычна працытаваўшы палажэнне афіцыйнага статута Беларускага таварыства Чырвонага Крыжа.
Скандальная сітуацыя ўзнікла пасля таго, як расійскі рэсурс Sputnik паведаміў пра паездку Дзмітрыя Шаўцова на акупаваныя тэрыторыі Украіны, у т. зв. «ДНР», і апублікаваў відэа з ім, дзе кіраўнік беларускага Чырвонага Крыжа гаворыць шчымлівыя словы пра дзіцячыя пакуты, апрануты ў камізэльку з сімвалам расійскай агрэсіі — літарай Z на рукаве.
Беларускае таварыства Чырвонага Крыжа — цалкам праўладная арганізацыя, якая безагаворачна падтрымлівае рэжым Лукашэнкі ва ўсіх яго дзеяннях як на словах, так і на справе. Сяброў гэтай арганізацыі, напрыклад, заўсёды ўключаюць у склад выбарчых камісій, і яны актыўна ўдзельнічаюць у фальсіфікацыі выбараў рознага ўзроўню. Старшыня Гомельскай абласной арганізацыі Беларускага таварыства Чырвонага Крыжа Ганна Смаляк нядаўна публічна падтрымала размяшчэнне ядзернай зброі ў Беларусі. Пра гэта яна заявіла ў эфіры гомельскага тэлебачання.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка2
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары